"Бавария" қорғаушысы Давид Алабаның агенті Пини Захави келесі жылдың басында келіссөздер жүргізуді жоспарлап отыр. Журналист Кристиан Фальктың ақпаратына қарағанда, агент өз клиентін "Челси" немесе "Пари Сен-Жерменге" ұсынып көрді.
Алабаның келісімшарты келесі жазда аяқталады, сондықтан жыл басында ол басқа клубпен алдын-ала келісімшартқа отырып, маусымның соңында ол жаққа тегін ауыса алады.
Бұған дейін Алаба "Баварияның" жаңа келісімшарт туралы ұсынысынан бірнеше рет бас тартқаны туралы хабарланған болатын, ал осы айдың басында клуб австриялықпен келісімшартты ұзарту үшін жаңа әрекеттер жасамайтынын мәлімдеді.
Алаба осы маусымда Бундеслигада 7 кездесу өткізіп, 1 гол соқты.
