"Манчестер Юнайтед" пен Англия құрамасының аты аңызға айналған жартылай қорғаушысы Дэвид Бекхэм білек сүйегіне қойылған бұранданы (винт) алдырып тастау үшін ота жасатқанын Daily Mail хабарлады.
2003 жылдың мамыр айында Англия құрамасы Оңтүстік Африкамен жолдастық матч өткізген кезде Бекхэм білегін сындырып алған болатын. Сол уақыттан бері ол бұл жерден бірнеше жыл бойы ауырсыну мен жайсыздық сезініп жүрген.
Жуырда жасалған тексеріс нәтижесінде дәрігерлер оның білегінде сынған жерге қойылған бұранда әлі де бар екенін анықтаған. Негізі бұл бұранда уақыт өте келе өздігінен еруі тиіс болған, бірақ ондай процесс болмаған. Соңғы уақытта ауырсыну күшейіп, Бекхэм бұл жағдайды "шыдатпайтын" деп сипаттағандықтан, дәрігерлер шұғыл түрде операция жасады.
Біздің серіктес: FONBET
