«Астон Вилла» мен Англия құрамасының жартылай қорғаушысы Джек Грилиш «Манчестер Ситиге» ауысуға жақын, деп хабарлайды talkSPORT. Трансфер сомасы 116 миллион еуроны құрайды деп күтілуде.
Бұған дейін Грилиш «қала тұрғындарының» трансфер терезесіндегі басты нысанасына айналғаны хабарланған болатын. «Манчестер Сити» ағылшын футболшысының келісім-шартында көрсетілген өтемақыны төлеуге келісті.
Грилиш - «Астон Вилла» клубының түлегі және 2012 жылдан бастап осы команданың намысын қорғап келеді, өткен жылдан бастап Англия құрамасына шақыртыла бастады. Биылғы маусымда 25 жастағы футболшы Премьер-лиганың 26 ойынында 6 гол соғып, 12 нәтижелі пас берген.
