"Атлетиконың" бұрынғы шабуылшысы Фернандо Торрес "Атлетико Б" клубының бапкерлер штабына қосылды.
Торрес өткен жылдың қыркүйек айында мадридтік клубтың U16 командасының бапкерлер құрамына қосылған болатын. "Атлетико Б" командасы В сегундасында ойнайды, олар 8 матчта 5 ұпай жинап, 10 команданың ішінде 9-шы орында тұр.
Торрес - Чемпиондар лигасы мен Еуропа лигасының жеңімпазы, Испания құрамасы сапында Еуропаның екі дүркін чемпионы және әлем чемпионы. Ол футболшы ретінде "Атлетико Мадрид", "Ливерпуль", "Челси", "Милан" және "Саган Тосу" клубтарында доп тепкен.
