Еуропадан күтпеген хабар келді.
17 жыл бойы ФИФА-ны басқарған Йозеф Блаттер, сайлаудағы жеңісінен бар болғаны төр күн өткеннен кейін, бүгін арнайы шақырылған баспасөзде тақтан кететінін дүйім жұртқа мәлім етті. Әлемдегі ең бірінші футбол ұйымында соңғы кезде болып жатқан былықтар 79-жасар швейцарға әсер еткен секілді. Бірақ, ФИФА-ға жаңа басшы келгенше Блаттер орнында қызмет атқара береді.
Мен футбол алдында да, ФИФА алдында да адалмын. Иә, сайлауға тағы да қатыстым. Себебі, ұйым үшін, әлемдегі нөмірі бірінші спорт үшін осы тиімді болар деп шешкен едім. Өкінішке орай, футбол әлемінде мені бұл орында көргісі келмейтіндер де көп екен. Сондықтан, арнайы конгресс шақырып, орнымнан кетемін.
