ФИФА президентінің орнына бразилиялық Зико таласып көрмек

"Неге бақ сынап көрмеске?! Менің өмірім түгелдей дерлік футболға арналды, мен бұл ойынды сүйемін. Футболға мен қай елде жүрсем де еңбегімді сіңіруге тырысып бақтым" деп атап өтті Зико әлеуметтік желі парақшасында. Зико өз дәуірінің ең мықты футболшыларының бірі. Ол бразилиялық "Фламенго" футбол" клубының бірнеше жыл бойына үздік ойыншысы саналған. Үш әлем чемпионатына қатысып, Бразилияның спорт министрі қызметін атқарды.