Golden Boy сыйлығына үміткер футболшылардың тізімі жарияланды

Tuttosport 2020 жылдың соңында Еуропаның ең үздік жас ойыншысы атағына ұсынылған 20 ойыншының тізімін жариялады.

Естеріңізге сала кетейік, ережеге сәйкес Golden Boy сыйлығының иегері 21 жастан үлкен болмауы керек және Еуропа чемпионаттарының жоғарғы дивизионында ойнауы керек. Жеңімпаз жетекші спорттық басылымдарда жұмыс істейтін журналистердің дауысы арқылы анықталады.

Үміткерлердің толық тізімі:

Митчелл Баккер ("Пари Сен-Жермен", Нидерланды), Эдуардо Камавинга ("Ренн", Франция), Джонатан Дэвид ("Лилль", Канада), Альфонсо Дэвис ("Бавария", Канада), Серджиньо Дест ("Барселона", АҚШ), Фабиу Силва ("Вулверхэмптон", Португалия), Ансу Фати ("Барселона", Испания), Филипп Фоден ("Манчестер Сити", Англия), Райан Гравенберх ("Аякс", Нидерланды), Мэйсон Гринвуд ("Манчестер Юнайтед", Англия), Эрлинг Холланд ("Боруссия Дортмунд", Норвегия), Каллум Хадсон-Одой ("Челси", Англия), Деян Кулушевски ("Ювентус", Швеция), Родриго ("Реал Мадрид", Бразилия) , Букайо Сака ("Арсенал", Англия), Джейдон Санчо ("Боруссия Дортмунд", Англия), Доминик Собослаи ("Ред Булл Зальцбург", Венгрия), Сандро Тонали ("Милан", Италия), Ферран Торрес ("Манчестер Сити", Испания), Винисиус Жуниор ("Реал Мадрид", Бразилия).

Жүлденің қазіргі жеңімпазы - "Атлетико Мадрид" клубы мен Португалия құрамасының шабуылшысы Жоао Фелиш.