"Манчестер Ситидің" бас бапкері Хосеп Гвардиола "Арсеналдың" жаттықтырушысы Микель Артетаның жұмысы туралы пікір білдірді.
"Егер "Арсенал" Артетаны қызметінен босатса, бұл үлкен қателік болады. Олар Артетаға сенеді деп үміттенемін.
Сарапшылар нәтижелерді талдайтынын түсінемін. Бірақ мен онымен бірнеше жыл бірге болдым және оның адамгершілік, әсіресе жаттықтырушы ретіндегі керемет қасиеттерін білемін. Нәтижелер тек уақытқа байланысты, ол жетістікке жетеді.
Пандемияға қатысты жағдай, ойыншылардың жарақаттары және матчтардың саны - осының бәрін ескере отырып, "Арсенал" әрқашан жақсы футбол көрсетті. Өкінішке орай, бәрі нәтижеге байланысты. Бірақ футболда бәрі бір аптаның ішінде өзгеруі мүмкін.
Мен онымен Англия тарихындағы керемет табысты командалардың бірінде жұмыс істеу тәжірибесі туралы айта аламын, және ол бұл сәттіліктің бір бөлігі болды, ал Артетасыз бұл мүмкін емес еді, және осындай нәрсені қайта жасау әрқашан уақытты алады, дәл менің "Манчестер Ситидегі" алғашқы маусымымдағыдай", - деді Гвардиола.
14 ойында небәрі 14 ұпайы бар "Арсенал" Премьер-лиганың турнирлік кестесінде 15-ші орында тұр. Келесі турда Артета шәкірттері "Челси" командасына қарсы ойнайды.
Біздің серіктес: FONBET
