Хаби Алонсо «Реалдан» кетуі мүмкін

23.12.2013, 20:34
Хаби Алонсо «Реалдан» кетуі мүмкін
Испания басылымдарының жазуына қарағанда, «Реал Мадрид» командасының жартылай қорғаушысы Хаби Алонсо өз командасымен келісім-шарт мерзімін ұзартудан бас тартқан көрінеді. Алонсоның «королдық командамен» арадағы келісім-шартының мерзімі 2014 жылдың маусым айында толады. Құрама көшбасшыларының бірі саналатын Хабидің Мадридта қалуды қаламауының бір ұшы отбасына байланысты болса, енді бір ұшы жалақыға тіреліп тұрған тәрізді. Бес жылдан бері Испания астанасында тұрып келе жатқан Алонсо отбасы орта жаңартуды қалаған көрінеді. Бұл бір себеп болса, екіншісі, жалақы мәселесі. Осыдан бұрын Алонсо командадан жылына 8-10 млн евро жалақы талап еткен еді. Алайда бұл талабына «Реал» разылығын бермеген болатын. Енді ол алдағы жылдың қаңтарынан бастап еркін футболшы ретінде басқа командалармен келісім жүргізе беруіне болады. ФИФА шарттарында солай белгіленген. Келісім мерзімі толуға алты ай қалған футбошы өзіне келесі команда қарастыруға құқылы. Хаби Алонсоға қазірдің өзінде Манчестерлік қос командамен қоса, «Ювентус» құрамасы да қызығушылық танытып отыр.   Қуанышхан ӨМІРХАН
Сіздің реакцияңыз?
Ұнайды 0
Ұнамайды 0
Күлкілі 0
Масқара 0
Серіктес жаңалықтары
×