Бундеслиганың 15-турында дортмундтық “Боруссия” “Лейпцигті” “Ред Булл Аренада” 1:3 есебімен тізе бүктірді.
Джейдон Санчо матчтағы алғашқы голды (55’) соқса, Эрлинг Холанд қос бірдей голдың (71’, 84’) авторы атанды. Алаң иелері сапынан Александр Сорлот жалғыз голды (90’) өз атына жазды.
Осылайша норвегиялық шабуылшы Бундеслигадағы алғашқы 25 ойнында 25 гол соғып, рекорд жаңартты. Рекорд “Гамбургтың” бұрынғы ойыншысы Уве Зеелерге тиесілі болған. Ол беташар 25 кездесуінде 23 голмен көзге түскен еді.
Маңызды ойында үш ұпай олжалаған дортмундтықтар 15 ойыннан кейін 28 ұпай еншілеп, төртінші орынға жайғасты.
