«Интер» Лаутаро Мартинеспен келісімшартты ұзартпақшы

"Интер" командасы ойыншылардың келісім-шарттарын жаңарту үшін жұмыс істеп жатыр. Бұл туралы италиялық журналист Николо Шира хабарлады.

"Клуб қолданыстағы ойыншылардың келісімшарттарын жаңартуда өте белсенді жұмыс істеп жатыр - Алессандро Бастонимен 2025 жылға дейін және Данило Д'Амбросиомен 2022 жылға дейін жаңа келісімшарт жасамақшы. Жаңа жыл алдында клуб басшылығы Лаутаро Мартинестің агенттерімен кездеседі", - деп жазды Шира.

Мартинес "Интерге" 2018 жылдың жазында Аргентиналық "Расингтен" ауысып келген болатын. Трансфер сомасы 25 миллион еуроны құрады. Биылғы маусымда 23 жастағы шабуылшы "Интер" үшін барлық турнирлерде 10 матчқа қатысып, 5 гол соқты, 2 нәтижелі пас берді. Футболшының клубпен келісімшарты 2023 жылдың жазына дейін жасалған.