А сериясының президенті Паоло Даль Пино лиганың 2020 жылы коронавирус салдарынан қанша ақша жоғалтқанын айтты.
«Чемпионаттың қайта басталуы - үлкен жетістік. Жағдай өте ауыр. Ақпаннан желтоқсанға дейін А сериясы жалпы 600 миллион еуродан айырылады, оның ішінде 400 миллион еуро билеттерден және 200 миллион еуро демеушілер тарапынан түсетінен пайда. COVID қиын кезеңдерге қарамастан лиганың бизнес моделінің өзгеруіне ықпал ете алады.
Жеке капиталды құру туралы пікірталас пандемияға дейін де басталды, біз келіссөздердің соңғы кезеңіндеміз. Мақсат - А сериясына ұзақ мерзімді перспективада көмектесетін бюджетті құру », - деді Даль Пино Football Italia-ға берген сұхбатында.
COVID-19 індеті өткен жылдың соңында Қытайда тіркелген болатын. Италия чемпионаты 2020 жылдың наурызында тоқтатылды, ал маусым айында қайта жалғасты.
