“Қайрат” ФК экс-ойыншысы Гүлжігіт Алықұлов “Неман” командасының наурыз айындағы үздік ойыншысы атағына лайық деп танылды.
Қырғыз аяқдопшысы белорус ұжымының ішкі біріншіліктегі 3 кездесуіне қатысып, 1 гол соқты. Жалпы алғанда Гүлжігіт “Неман” үшін 2024 жылы 7 ойын өткізіп, 4 гол мен 1 голдық пас берді. Осы бір нәтижелерді негізге алған белорус ұжымының фанаттары Алықұловты үздік деп таныды.
Қазіргі сәтте “Неман” клубы белорус біріншілігінің турнирлік кестесінде 2 орында келеді.
Айта кетейік, Гүлжігіт “Қайрат” ФК ауыспай тұрып дәл осы “Неман” клубында өнер көрсетіп келді.
