«Қайраттың» ресейлік қорғаушысы: Ресейде Сәтпаевтың деңгейіндегі жастар жоқ

«Мартынович Дастан Сәтпаевтай 16 жасар таланттарды кезіктірмегенін айтып па еді? Мен де. «Краснодар» мен «Рубинде» түрлі жас футболшылар болған, бірақ мұндай деңгейде емес еді», - деді Е. Сорокин.

Айта кетейік, Дастан Сәтпаев үшін биылғы ҚПЛ өте табысты өтуде. 16 жасар шабуылшы премьер-лигада үздік сұрмергендер көшін бастап тұр – 9 матчта 6 гол мен 3 ассист. Дастан Сәтпаевтың нарықтық бағасы 500 мың еуро. Қазақстан құрамасының футболшысы кәмелетке келген соң «Челси» жейдесін киеді. Оған дейін қос тарап келісімімен алматылық ұжым сапында шеберлігін шыңдай бермек.