Футзалдан Қазақстан ұлттық құрамасының бас жаттықтырушысы Паулу Рикардо Кака «Қайраттың» жаңадан келген ойыншысы Вагнер Лавпен кездесіп, қазіргі кездегі мақсаттары туралы айтып берді. Атап айтқанда, ол ойыншының алматылық клубта ұзақ уақыт қалғысы келетінін атап өтті.
«Ия, біз отбасыларымызбен бірге кездестік. Біз Вагнерді 2005 жылдан бері білеміз. Әрине, біз ұзақ уақыт бойы бір-бірімізді көре алмадық, бірақ мен оның осында келе жатқанын білген кезде, біз оған хабарластық, мен оған қала туралы айттым. Біз басқа күні кездестік, өте керемет кеш болды. Ол әйелі және қызымен бірге келді, Алматыдан жақсы әсер алды, ол мұнда соншалықты жақсы деп ойламады және бұл туралы бізге ашық айтты. Ол бізді әсірелеп айтып жатыр деп ойлады, бірақ Вагнер осында келгенде бәрін өз көзімен көріп, қатты риза болды. Енді ол жақсы ойын көрсетіп, «Қайратпен» келісімшартын ұзартуды мақсат етіп отыр, енді оның алдына мақсат қойылды. Оның нәтиже көрсететініне сенімдімін, ол білікті және тәжірибелі футболшы. Әрине, әр түрлі факторлар бар, бірақ мен оның осында ойнай алатындығына сенемін. Біз жүргізген әңгімелерден оның ақшаны ойлап қана қоймай, ойнауға келгенін түсіндім», - деді бразилиялық маман.
Еске салайық, Вагнер Лав маусымның соңында «Қайрат» құрамына қосылды, ол командада тоғызыншы нөмірмен ойнайды. Бразилиялық шабуылшының ҚПЛ-дегі дебюті 4-ші турда, 3 тамызда өтетін "Каспиймен" матчта орын алуы мүмкін.
