28 жастағы жартылай қорғаушы Бауыржан Байтана "Таразбен" келісімшартқа отырды.
Жартылай қорғаушы 30-шы нөмірмен ойнайтын болады. Жамбыл футболының тәрбиеленушісі Бауыржан Байтана 2009 жылы "Таразда" алғашқы ойынын өткізген болатын. Одан кейін ол «Атырау», «Сұңқар», «Ақтөбе», «Тобол», «Қайрат» және «Шахтер» клубтарында доп тепті. Премьер-лиганың соңғы маусымында Байтана 12 матч өткізіп, 1 рет нәтижелі паспен көзге түскен екен.
