Фабрицио Романоның хабарлауынша, Карло Анчелотти Бразилия ұлттық құрамасының келесі бас бапкері болады. Бұл ақпаратты Бразилия футбол конфедерациясы (CBF) ресми түрде растады.
Анчелотти 2025 жылдың 26 мамырында, "Реал Мадридпен” Ла Лига маусымын аяқтағаннан кейін, Бразилия құрамасының тізгінін ресми түрде қолға алады. Ол Бразилия тарихындағы алғашқы шетелдік бас бапкер болмақ.
CBF президенті Эдналдо Родригес Анчелоттидің тағайындалуын Бразилия футболын әлемдік деңгейге қайта көтеру жолындағы батыл қадам деп бағалады.
Анчелоттидің алғашқы матчтары 2026 жылғы Әлем чемпионатына іріктеу кезеңінде өтеді: 6 маусымда Эквадорға қарсы және 10 маусымда Парагвайға қарсы.
"Реал Мадридпен" 15 титул жеңіп алған Анчелотти клуб тарихындағы ең көп трофей ұтқан бапкер болып саналады.
Алайда, Бразилия құрамасының бұрынғы шабуылшысы Ромарио Анчелоттидің тағайындалуына қарсы пікір білдіріп, қазіргі уақытша бапкер Фернандо Диниздің жұмысын жоғары бағалады.
Бірақ Неймар, Винисиус ЖР, Родриго сынды ойыншылар Анчелоттидің ұлттық құрама тізгінін ұстайтын болғанына қуанышты.
Біздің серіктес: FONBET
