«Ростовтың» бас бапкері Валерий Карпин футболдан Қазақстан ұлттық құрамасының жартылай қорғаушысы Бахтиер Зайнутдиновтың ЦСКА-ға ауысуы туралы пікір білдірді.
- Қай ойыншының кетуі сіз үшін ауыр тиді?
- Сіз бұлай айта алмайсыз - барлық жігіттер командада белгілі бір уақыт өткізді, оларға А әрпінен бастап әліпби үйренудің қажеті жоқ еді, мен бәрінен айырылғым келмеді, бірақ бәрінен гөрі Зайнутдиновтың кетуі қатты әсер етті. Бір жыл бойы біз оны дайындадық, қалпына келтірдік, Баха енді ғана біз күткен деңгейге жеткен еді. Бірақ оны біздің қалауымызға қарамай сатып алды.
- Тіпті Баханың да қалауына қарамады ма?
- Белгілі бір дәрежеде, иә. Мұнда Бахтиёрға бәрі ұнады, бірақ ЦСКА-ны білесіздер, ақша көп, бәрі түсінікті.
- Футболшылардың басқа командаға ауысуына «көп ақша» басты фактор болды ма?
- Әрине.
- Ойыншылар келіп, басқа командаға жіберуді сұрады ма, өйткені «ол жерде» жалақыны бес есе артық береді?
- Жалақы туралы ешкім айтқан жоқ. Мен өзім футбол ойнадым, сондықтан бәрін түсінемін. Қай клубқа ауысатынын білгенде, атын естіп-ақ жалақысының қанша екенін білуге болады - әрине біздікінен артық.
Еске салайық, 22 жастағы Зайнутдинов 25 тамызда ЦСКА-ға ауысқан еді. Содан бері ол РПЛ-де тоғыз матч өткізіп, бір гол соқты.
