Беларусь футбол федерациясы (БФФ) Беларусь пен Қазақстан ұлттық құрамалары арасындағы жолдастық матчтың өтетін орнын өзгерту туралы ресми мәлімдеме жасады. Бұған Минскідегі «Динамо» стадионындағы алаң жамылғысының айтарлықтай бүлінуі себеп болды.
Федерацияның хабарлауынша, 24–25 мамыр күндері стадионда өткізілген ауқымды іс-шаралар барысында негізгі ойын алаңына құрылымдар орнатылып, салдарынан газонға зақым келген. Мамандардың қорытындысына сәйкес, алаңды толық қалпына келтіруге кемінде екі апта қажет.
Осыған байланысты, Беларусь пен Қазақстан құрамалары арасындағы халықаралық жолдастық кездесу Борисов қаласындағы «Борисов-Арена» стадионына ауыстырылды. Бұл шешім УЕФА және Қазақстан футбол федерациясымен келісілген.
Матч 5 маусым күні, сағат 22:00-де өтеді.
Біздің серіктес: FONBET
