"Қайрат" бас бапкерінің міндетін атқарушы Кирилл Кекер Чемпиондар лигасының бірінші іріктеу кезеңіндегі "Маккаби Хайфаға" қарсы өтетін жауапты матч туралы пікірімен бөлісті:
- Біздің мақсатымыз - келесі кезеңге өту. Біз матчқа дайынбыз және өз қабілеттерімізге сенімдіміз. "Маккаби" - жақсы команда, біз оларды құрметтейміз, бірақ қорықпаймыз.
Бірінші ойыннан кейін біз нәтижеге қанағаттанбадық. Біз жаттығу аптасын жақсы өткіздік, мен ойыншылардың көзінен сенімділік пен жеңіске деген ұмтылысты байқадым.
- Жоао Пауломен келісім-шартқа отырғаннан кейін, "Қайрат" шабуыл шебін одан сайын күшейте түсті. Барлығының көңілі толатындай етіп шабуылшыларға ойын уақытын қалай бөлесіз?
- Жаңадан ойыншыларды тарту арқылы біз әр позицияда бәсекелестік тудыруға тырыстық. Бізде таңдау мүмкіндігінің пайда болуы команданы тек мықты етеді. Ойыншылардың әрқайсысы ойын уақытына лайық, бірақ көп нәрсе өздеріне байланысты болады.
- Сәрсенбіде жаңбыр жауады деп күтілуде. Кезінде бұл "Қайратқа" ыңғайлы ауа-райы деп саналған, бірақ соңғы жылдары мұның маңызды матчтарда командаға кедергі жасау ықтималдығы жоғары болды. Сіз бұл туралы не ойлайсыз? Негізгі құрамды таңдау барысында ауа-райына көңіл бөлесіз бе?
- Құрамды таңдау ауа-райына байланысты емес. Футбол кез-келген ауа-райында ойналады және ең мықты команданы анықтауға 90 минут беріледі.
- 10 000-нан астам көрермен келеді деп күтілуде. Дәл осы ойында команда үшін жанкүйерлердің қолдауы қаншалықты маңызды?
- Біз жанкүйерлермен ойнау мүмкіндігінің туындағанына өте қуаныштымыз. Сырт алаңдағы ойында бізді қолдағаны үшін оларға рахмет (Израиль, Талдықорған). Стадионға келіңіз, керемет атмосфера жасаңыз, командаға қолдау көрсетіңіз! Бізге сіздің эмоцияларыңыз бен оң энергияларыңыз қажет, бұл біздің командаға қосымша мотивация береді
Біздің серіктес: FONBET
