Клопп «Челси» ойыншысының қызыл қағаз алғанына қуанған «Ливерпуль» ойыншыларына ұрсып берді

"Ливерпуль" Англия Премьер-лигасының 2-туры аясында "Челсиді" 2:0 есебімен жеңген болатын.

Ойынның нәтижесі бірінші таймның соңында анықталып қойғандай көрінді. Садио Манеге қарсы тәртіп бұзғаны үшін «Челси» қорғаушысы Андреас Кристенсен алаңнан қуылды. Төреші ойыншыға сары қағаз көрсетті, бірақ VAR-ды көргеннен кейін ойын өзгертіп, ойыншыны алаңнан қуып жіберді.

Төрешінің бұл шешіміне «Ливерпульдің» қосалқы құрамындағы ойыншылар қатты қуанды, ал Юрген Клопп өзгенің сәтсіздікке ұшырағанын қуаныш ретінде қабылдамайтынын анық айтты.

«Кристенсенге қызыл қағаз көрсетілді. «Ливерпуль» ойыншылары трибунада қол соғып, қуануда. Клопп артына бұрылды да: «Сендер естеріңнен адастыңдар ба? Біз мұны ешқашан жасамаймыз, жарай ма?», - деп айтқан екен. Бұл туралы сол жерде отырған журналист баяндады.

«Бұл менің қосалқы құрамдағы ойыншыларым емес, клуб қызметкері болды. Мен оған бұл туралы не ойлайтынымды айтып бердім, ол менің сөздерімді байыппен қабылдады. Мен мұндай әрекетті қайта көргім келмейді», - деді Юрген матчтан кейін берген сұхбатында.