Талдықорғанның «Жетісу» клубы 2026 жылғы Қазақстан Премьер лигасында сәтсіз маусым өткізді. Команданың қорғаныстағы әлсіз ойыны мен тұрақсыз нәтижелері оны төменгі дивизионға түсірді, деп хабарлайды Aladop.kz.
30 турдың қорытындысы бойынша «Жетісу» 27 ұпай жинап, турнирлік кестеде 15-орында қалды. Қайрат Нұрдәулетов жаттықтыратын команда алты жеңіске жетіп, тоғыз рет тең ойнап, 15 кездесуде жеңіліс тапқан.
Маусым бойы Талдықорғандықтардың басты мәселелерінің бірі қорғаныс шебіндегі қателіктер болды. Команда 29 матчта қарсыластарына 48 гол соғуға мүмкіндік берген. Бұл – чемпионаттағы ең нашар көрсеткіш. Ал «Жетісудің» өзі қарсылас қақпасына 30 гол енгізген.
Команданың нәтижесіне құрамды күшейту мүмкіндігінің шектелуі де әсер етті. Мамыр айында ФИФА клубқа жаңа футболшыларды тіркеуге тыйым салған. Соның салдарынан «Жетісу» жазғы трансферлік кезеңде қажетті ойыншыларды толықтай шақыра алмады.
Бұған қоса, клубтағы қаржылық қиындықтар туралы ақпарат тараған. Атап айтқанда, футболшылар мен жаттықтырушыларға төлемдердің кешіктірілгені хабарланған еді.
