Мадридтік "Реалдың" шабуылшысы Карим Бензема Ла Лиганың наурыз айындағы ең үздік ойыншысы атанды.
Өткен айда француз футболшысы Испания чемпионатының үш матчына қатысып, 5 гол соқты. 33 жастағы шабуылшы "Атлетикомен" (1:1) болған ойында бір гол соқты, ал "Эльчемен" (2:1) және "Сельтамен" (3:1) өткен матчтарда дубль жасады.
Бензема дауыс беру кезінде Лионель Месси ("Барселона"), Ян Облак ("Атлетико"), Юсеф Эн-Несири ("Севилья"), Даниэль Васс ("Валенсия"), Борха Иглесиас ("Бетис") және Жерар Мореноны ("Вильярреал") артқа тастады.
Карим Бензема осы маусымда Ла Лигада 24 ойын өткізіп, 17 гол соқты, 6 нәтижелі пас берді.
