Лапорта «Барселонаны» бұрынғы деңгейіне қайтара ма?

15.03.2021 22:12 Ла Лига

Жоан ең алдымен Мессидің мәселесін шешіп алуды жөн көріп отыр.

Лапорта «Барселонаны» бұрынғы деңгейіне қайтара ма?

"Барселона" клубының президенті ресми түрде ауысты. 2003-2010 жылдары осы қызметті атқарған Жоан Лапорта каталондық клубтың басшысы болып сайланды. Сайлауда ол 57% -дан астам дауысқа ие болды, ал оның басты қарсыласы Виктор Фонт тек 32% дауыс жинады. Бүгін біз Лапорта туралы және оның келуімен "Барселонаның" қалай өзгеретінін айтатын боламыз.

Алғаш рет президент болуы

Лапорта - "Барселона" тарихында көп жүлдені жеңіп алған президенттердің бірі. Оның басшылығымен каталондықтар жеті жылда 12 трофей жеңіп алды - тек Хосеп Луис Нуньес (27) пен Хосеп Бартомеу (13) ғана одан көп жүлдеге ие болған. Сондай-ақ ол Чемпиондар лигасындағы жеңістер саны бойынша көш бастап тұр. Лапорта клубтың басшысы ретінде Еуропадағы басты клубтық турнирде екі рет топ жарған.

Алайда, барлық жетістіктерге қарамастан, Лапортаның билігінде шикіліктер пайда бола бастады. Ол қуатты команда жинап, оны жас Хосеп Гвардиолаға сеніп тапсырды, бірақ ол жиі қателіктер жіберді, соның ішінде трансферлік нарықта: мысалы, Глеб, Чигринский және Ибрагимовичтермен жасалған келісімдер сәтсіздікке ұшырады. Ал 2008 жылы Жоанға деген сенім жойыла бастады - содан кейін клубтың басқарма мүшелері оны құлатуға тырысты, бірақ оларға 6% дауыс жетіспеді.

Лапорта екінші президенттік мерзімін аяқтап, 2010 жылы қызметінен кетті. Клубтан кете салысымен оған қаржылық алаяқтық жасады деген айып тағылды. Жоан мен оның қол астындағылар сотқа шақырту алды - олардан 25 миллион еуро төлеуді талап етті - бірақ сот төрешісі бұл талапты қанағаттандырмады.

Сайлау алдындағы үгіт

Лапорта бұған дейін де "Барселонаға" оралуға тырысқан. 2015 жылы ол сайлауда Бартомеуден жеңіліп қалды, бірақ клубтағы режиммен күресті жалғастыратынын айтты.

"Берілу туралы сөз қозғағым келмейді. Біз жеңілісті мойындауымыз керек, бірақ "Барсаның" жүріп жатқан бағытымен келіспейміз, - деді Жоан сол жылы.

2020 жылдың күзінде Лапорта "Барселона" президенті болуға дайын екенін мәлімдеді. Сәл кейінірек, оның алдағы сайлауда фаворит болатыны туралы ақпарат пайда болды. "Барселона" Бартомеуден құтылды. Барлығы бақытты. Ары қарай не болады? Науқан кезінде Лапорта өзінің постерін "Реал Мадридтің" стадионы - "Сантьяго Бернабеудің" жанына орналастырды. Ол мұндай ерекше шешімді былай түсіндірді: "Бұл баннер батылдық пен тәжірибені білдіреді. Мен "Барселонаның" Мадридте тағы алты гол соққанын қалаймын".

Жоспарлары - Мессиді командада қалдырып, Гвардиоланы қайтару

"Реал Мадридпен" қарсыласудан бөдек, Лапорта Лионель Мессиді клубта қалдыруға уәде берді. "Мен Леоны "Барселонада" қалдыру үшін бар күшімді саламын", - деді сайлаудан кейінгі сұхбатында.

Сыбыстарға қарағанда, Месси сайлауда дәл осы Лапортаға дауыс берген. Жоан сонымен қатар клуб академиясына баса назар аударуды жоспарлап отыр - бұл Бартомеу жасамаған нәрсе. Ол сондай-ақ Гвардиоланың оралуы мүмкін екенін де меңзеді.

"Мен Пепті қайта көргім келеді, бірақ қазір ол "Манчестер Ситиде". Сондықтан ол өзі шешім қабылдауы керек. Гвардиола "Барселона" үшін бойтұмар болып табылады және көптеген жанкүйерлер оның команданы тағы да жаттықтырғанын қалайды", - деді Лапорта 2020 жылдың мамырында.

Айтпақшы, дәл сол Гвардиола Лапортаны сайлаудағы жеңісімен құттықтап үлгерді.

"Құттықтаймын, Жоан! Құттықтаймын, Президент! "Барселона" жасасын!" - деп жазды Гвардиола өзінің твиттер парақшасында.

Бұл құттықтауларға каталондық клубтың бұрынғы капитаны Карлес Пуйоль де қосылды. Осындай қолдаудың арқасында Лапортаға "Барселонаны" бұрынғы деңгейіне қайтару оңайырақ болады.

7 пікір

  1. Бавария

    Бавария

    17.03.2021 01:54

    Барибир сигип аламыз сендерди))

  2. Хави

    Хави

    16.03.2021 23:14

    Гвардиола звандады не истеймиз барин басынан бастаймызба Инестанын номерин табайк деди

  3. Нурланулы дәурен

    Месси

  4. Куман

    Куман

    16.03.2021 20:50

    Бля Гвардиола келсе мен кетемба Бля сгесндер

  5. Месси

    Месси

    16.03.2021 20:42

    Мен кетем бары битеды сонымен!

  6. Лапорта

    Лапорта

    16.03.2021 17:55

    Мен Бұрынғы Барсаны қайтарамын

  7. Бижан алисултан

    Барса мықты болады