Әли Әлиев Уэльс пен Лихтенштейнге қарсы кездесулер туралы: екі ойын да қиынға соқпақ

«Барлық жігіттерге алғыс айтқым келеді – барлығы аман-есен келді, моральдық тұрғыдан да бәрі дұрыс. Кейбір ойыншылардың командалары жеңіліп қалса да, ұлттық құрамаға жақсы көңіл-күймен келді. Бірақ жарақаттар да бар: Әлібек Қасым, Роман Асранкулов, Рамазан Кәрімов бізге көмектесе алмайды. Көңілімізден шықпайтын нәрсе – ойыншылардың өз клубтарында алған жеңіл жарақаттары. Олардың әрқайсысының командада ерекше рөлі бар. Екі ойын да қиынға соқпақ. Ойыншылардың бәрі бұл матчтарға қаншалықты жауапкершілікпен қарайтынымызды түсінеді. Біз Уэльстің алдында бір жолдастық ойын өткізуді жоспарлап отырмыз – ойыншылар бір-бірімен аздап түсінісуі керек, олар көптен бері бірге ойнамады. Теорияда қанша айтсақ та, ойын практикасы деген бөлек. Ойыншылар футбол алаңында бір-бірімен жақсы түсінісуі қажет», - деді Әли Ханәліұлы.

Қазақстан құрамасы 2026-жылғы ӘЧ-2026 іріктеу турнирін 22-наурыздан 23-наурызға қараған түні Кардиффте Уэльс құрамасына қарсы сырт алаңда бастайды. Содан кейін, 25 наурыздан 26 наурызға қараған түні, Вадуцта Лихтенштейн құрамасымен кездеседі.