Осы уақытқа дейін Қазақстан футбол федерациясы Ұлттық футбол лигасы (ҰФЛ) директорының орынбасары қызметін атқарып келген Олжас Абраев осы ұйымның директоры болып сайланды.

Негізі, Ұлттық футбол лигасының ди­рек­торы қызметін соңғы маусымда Михаил Гурман атқарған болатын. Алайда өткен жыл­дың соңғы айында бұл қызметке Қаныш Әубәкіров тағайындалған. Сондай-ақ Қаныш Қайдарұлы ҚФФ-тың тағы бір тізгінін қолына ұстаған. Яғни бірінші вице-президент қызметіне де тағайындалды. Дегенмен мемлекеттік маңызы зор бірнеше жобаны қатар алып жүру ауыр соға­тын­дық­тан, Қаныш Әубәкіров ҰФЛ директоры қызметінен босатылды. Ал үлкен спорттағы қызметін ең алғаш Ал­маты футбол федерациясындағы жауап­ты хатшылықтан бастаған 27 жасар Олжас Абраев осы уақытқа дейін бірнеше ма­ңыз­ды орында қызмет атқарған.