"Барселона" капитаны Лионель Месси қазіргі жағдайы, болашағы туралы және жаңа президент жайлы өз пікірін білдірді.
- Мен әрқашан "Барселона" - менің өмірім деп айттым. Мен мұнда 13 жасымнан бері ойнаймын. Мен клуб сапында да, қалада да өскенімді байқадым. Мен өз елім Аргентинаға қарағанда Барселонада ұзақ өмір сүрдім. Мұнда бәрін үйрендім, клуб мені ойыншы ретінде өсірді. "Барса" маған бәрін берді, мен әрқашан "Барселона" үшін барымды салдым.
Біздің арамызда махаббат бар, өйткені мен осында келгеннен бері дәл осы клубта өнер көрсеттім. Мен қалаға, клубқа және "Барселонаға" байланысты барлық нәрсені жақсы көремін. Менің балаларым да осы жерде дүниеге келді.
Мен қазір жақсымын. Мен жаз бойы, тіпті жазға дейін өте нашар көңіл-күйде болғаным рас. Содан кейін болуға тиіс болған жағдай орын алды, мен клубқа факс жібердім және одан кейін де түрлі жағдайлар болды.
Осы маусымның басында мен өз қалпымда емес едім, бірақ бүгін өзімді жақсы сезінемін және барлық трофейлер үшін шыңдап күрескім келеді. Клубтың өте қиын кезеңді бастан өткеріп жатқанына алаңдаулымын. Бұл қиын, бірақ мен болашақты асыға күтемін.
Мен өзімнің спорттық мәселелерім үшін жыламадым, бірақ мен қатты қиналдым. Мен мұны егжей-тегжейлі айтпағанды жөн көремін. Бірақ спорттық мәселелерге байланысты қатты қиналдым.
- Бұрынғы командаласыңыз әрі досыңыз Луис Суарестің кетуі туралы не айта аласыз?
- Мен үшін басшылықтың Луис Суареспен қалай жұмыс жасағаны ақылға сыймайтындай болып көрінді. Олар Суаресті біз сияқты трофей үшін күресіп жатқан командаға тегін берді. Барлық мәселе оның кетуінде емес, қалай кеткенінде болып отыр.
- Сіз бұған дейін клубтың экс-президенті Хосеп Бартомеу мені алдады деп айтқан едіңіз.
- Мені көп жағдайда алдап кетті. Рас, көптеген жолдармен. Мен бәрін жариялағым келмейді, өйткені мен клубта болған жеке сәттер туралы сөйлескенді ұнатпаймын. Болған әңгімелер мен уәде етілгендер нәрселерді айтпай-ақ қояйын, бірақ Бартомеудің бірнеше жыл бойы мені алдағанына сендіре аламын.
- Жаңа президент клубқа Неймарды қайтарамын десе, сіз "Барселонада" қаласыз ба?
- Жаңа ойыншыларды тарту қиын болады, өйткені бізге ақша керек, бірақ ақша жоқ. Мен күлдім, өйткені олар Неймар өте қымбатқа түсуі мүмкін дейді.
- ПСЖ Неймарды жібереді деп ойлайсыз ба?
- Сіз ПСЖ-ға қандай-да бір ақша төлеуіңіз керек... Бұл оңай емес, жаңа президент үшін бұл өте қиын міндет болады. Табысты болу үшін өте ақылды болу қажет, тепе-теңдікті сақтап, көптеген өзгерістер енгізу керек.
- Неймар жақында сізбен бір клубта ойнағысы келетіні туралы айтқан еді
- Ол біз ойнаймыз деп айтқан жоқ, ойнағым келеді деп айтты... Дұрыс па? Ия, анда-санда сөйлесіп тұрамыз. Біздің үштік қарым-қатынас жасайды - мен күн сайын не Неймармен, не Суареспен сөйлесемін. Бірақ күн сайын Луиспен байланыстамын.
- Гризманн туралы не ойлайсыз?
- Мен бұған дейін айтқанымдай, біздің қарым-қатынасымыз жақсы. Арамызда ешқандай мәселе туындамады. Менің ешқашан оның "Барселонаға" ауысқанын қаламаймын деп айтқаным жалған әңгіме.
- Басқа клубпен келіссөздер жүргізіп жатырсыз ба?
- Әзірге ештеңе анық емес. Мен маусымның соңын күтемін. Ең бастысы - команда туралы ойлау, маусымды аяқтау, трофейлер алуға тырысу және бөгде нәрселерге алаңдамау.
- Өзіңізді болашақта қалай елестетесіз?
- Мен өзімді жаттықтырушы ретінде көрмеймін. Спорттық директор болуым мүмкін. Маған ұнайтын немесе клубқа қажет ойыншыларды шақырамын. Не болатынын көре жатармыз
- Жас кезіңіздегі арманыңызды айта аласыз ба?
- Мен әрқашан АҚШ-та тұрып, жергілікті лигада ойнауды армандадым. Бұл шынымен бола ма, жоқ па, білмеймін, бірақ менде осындай ниет бар. Менде маусымның соңында не болатыны туралы нақты түсінік жоқ. Бізге маусымның соңына дейін күту керек. Мен сенімді емеспін. Трофейлерді алатын команда туралы ойлау маңызды. Мен клуб үшін және өзім үшін бәрін жасаймын, бұл менің жүрегімнен шыққан сөз. Менің Барселонада өмір сүруді жалғастыратыным анық және ойыншы мансабымды аяқтаған соң клубта қалғым келеді. Қандай дәрежеде екенін білмеймін, бірақ мен осыны қалаймын.
- Өткен маусымда "Бавариядан" 8:2 есебімен жеңіліп қалдыңыздар.
- Жеңілістер болып тұрады, мансабымда жеңіліске ұшыраған сәтім аз емес. Бірақ бұл кездесудің нәтижесін ескерсек, бұл біз үшін өте қиын болды, Бұл өте қиын ойын болды, бізде қиын жыл болды. Біз ұтылуымыз мүмкін еді, бірақ бұлай емес.
- Сізді үздік ойыншы деген мәртебе алаңдатады ма?
- Жоқ, өйткені мен өзімді үздік футболшы ретінде көрмеймін. Футболды мен туралы айту үшін ойнамаймын. Мен жеңіске жету үшін ойнаймын, мен өзімнің командама қол ұшымды созып, матчтарда барымды саламын, өзімді көрсетіп, мен ең мықтымын деп айту үшін емес».
- Сіз психологқа барасыз ба?
- Мен оған баруым керек еді, бірақ мен ешқашан бармадым.
- Бұл шешімнің себебі неде?
- Мен білмеймін. Маған бұл қадамды жасау қиын, дегенмен маған психолог керек екенін түсінемін. Антонелла (Мессидің әйелі) маған психологқа бар деп бірнеше рет талап етті. Мен бәрін ішіме сақтайтын адаммын және оны ешкіммен бөліспеймін. Психолог маған пайдасын тигізер еді, бірақ мен оған бармаймын.
- Сіз Гвардиола мен Энрикені әлемдегі ең үздік бапкер деп айтқан болатынсыз.
- Олар мен үшін ең үздік бапкерлер. Оларда ерекше қасиет бар. Олар сізге белгілі бір нәрселерге ерекше көзқараспен қарауға мәжбүр етеді. Олардың бізді қорғаныс пен шабуылда қалай ойнау керектігін үйреткендері менің есімнен кетпейді.
Менің жолым болды, өйткені мен Гвардиоламен және Луис Энрикемен көп уақыт өткіздім. Олар мені футбол және тактикалық жағынан өсуге мәжбүр етті. Мен Гвардиоланың қол астында барлығын үйрендім деп ойладым, содан кейін Луис Энрике келді, ол Пепке азды-көпті ұқсады, бірақ ол маған аздаған өзгерістермен одан да көп сабақ берді.
- Рональд Куман туралы қандай ойдасыз?
- Менің ойымша, Куман командаға не керек екенін біледі. Ол керемет жұмыс істеп жатыр. Алғашында бұл қиын болды, өйткені жаңадан келгендер мен жас ойыншылар көп болды, бірақ біртіндеп команда алға жылжуда.
- Спорт әлемінде кімдерді мақтан тұтасыз?
- Тамсанатын спортшылар көп. Рафа Надаль, Федерер, Леброн... барлық спорт түрлерінде күнделікті өмірде күнделікті жұмысымен ерекшеленетін және оған лайықты спортшы бар. Футболда Криштиануға тамсанамын. Көп... Мен барлық көрнекті спортшыларға тәнтімін.
- Сіз жаңа президент сайлауына дауыс беру үшін барасыз ба?
- Білмеймін.
- Қай кандидаттың президент болғанын құп көресіз?
- Жоқ-жоқ. Мен өзімді ешкіммен байланыстырғым келмейді, өйткені мен президент ретінде кімді көргім келетінін айтсам не болатынын елестетіп көріңіз. Мен мұны жасамағым келеді және ең жақсы үміткер клубта өзгеріс жасай алады деп үміттенемін. Бұл оңай болмайды, өйткені ол пандемиядан кейін клубтың ішкі мәселелерін көреді. Кім жеңсе, сол жақсы жұмыс жасап, клубты лайықты орынға қояды деп сенемін.
- Үміткерлердің қайсысымен әңгімелестіңіз?
- Жоқ, мен ешкіммен сөйлескен жоқпын. Біріншіден, олар сайлаудан өтіп, жеңіске жетуі керек, ал президент анықталған кезде біз тұтастай әрекет ете бастаймыз.
- "Реал Мадрид" немесе "Атлетикоға" ауысуыңыз мүмкін бе?
- Жоқ, бұл мүмкін емес.
- "Барселонадан" кетсеңіз жанкүйерлеріңізге не айтар едіңіз?
- Мен кетер-кетпесімді білмеймін. Егер бұл орын алса, мен ең жақсы жолмен кеткім келеді. Болжам бойынша, мен бір күні (кетіп қалған жағдайда) осы қалаға және клубқа оралып, өз үлесімді қосқым келеді. Қандай жағдай болмасын, "Барселона" кез-келген ойыншыдан әлдеқайда жоғары тұрады, оның ішінде мен де бармын. Болашақ президент маңызды трофейлерді тағы да жеңіп алу үшін барын салады деп үміттенемін.
