«Ливерпуль» «Вулверхэмптон» клубының жартылай қорғаушысы Диогу Жотаны сатып алу туралы келісімді аяқтауға жақын, деп хабарлады Sky Sports.
Мерсисайдтықтар португалиялық жартылай қорғаушы үшін 35 миллион фунт (38,3 миллион еуро) төлейді. Мәміле сенбіде-ақ аяқталуы мүмкін. Келісімге «Ливерпульдің» қорғаушысы Ки-Ян Хуверді қосып, одан бөлек 10 миллион фунт стерлинг төлеуі де мүмкін екен.
Жота 17 қыркүйек, бейсенбі күні Англия лигасының кубогы аясында «Сток Ситиге» қарсы (0:1) матчтың алдында «Вулверхэмптон» клубының орналасқан жерінен кетіп қалған.
Кеше, 18 қыркүйекте, «Ливерпуль» Тьяго Алькантараның трансфері туралы хабарлады. Испания құрамасы мен «Бавария» командасының жартылай қорғаушысы «Ливерпульмен» ұзақ мерзімді келісімшартқа отырды.