ESPN хабарлағандай, «Манчестер Сити» «Барселона» шабуылшысы Лионель Мессидің трансфері клуб үшін қаншалықты қымбатқа түсетінін анықтауға ниетті.
«Қалалықтар» аргентиналықты алу қиын болатынын түсінеді, бірақ каталондықтар ойыншыны сатуға келіскен жағдайда дайын болғысы келеді. Осыған байланысты, "Ман Сити" мәміленің шығындарын бағалауға тырысады. Сондай-ақ, «қала тұрғындары» Мессиді қаржылық әділ ойын ережелерін бұзбай сатып алу мүмкін бе деген мәселені шешуде.
Бұған дейін 33 жастағы ойыншыға «Пари Сен-Жермен», «Ювентус» пен «Интер» қызыққаны туралы хабарланған болатын. «Барселонаның» Мессиді 700 миллион еуроға - келісімшартындағы өтемақыға босататыны туралы ақпарат болды.
Месси "Барселона" басшылығына кететіні туралы хабарлады. Лео Чемпиондар лигасының ширек финалында "Бавариядан" (2-8) жеңілгеннен кейін "Барселонадан" кетуге ниет білдірді. Өткен маусымда каталондықтар олжасыз қалды.
Месси - "Барселонаның" түлегі. Өткен маусымда ол барлық турнирлерде 44 матчқа қатысып, 31 гол соғып, 26 голдық пас берді. Аргентиналықтың қазіргі келісімшарт мерзімі 2021 жылдың жазында аяқталады.
