"Манчестер Юнайтед" осы маусымда нашар нәтиже көрсетіп жатқандықтан бас бапкерін ауыстыруды ойластыруда.
Manchester Evening News-тің хабарлауынша, "қызыл сойқандар" "Тоттенхэм Хотспурдың" бұрынғы бапкері Маурисио Почеттиномен байланысқа шыққан. Аргентиналық маманның өзі "Манчестер Юнайтедті" 2019 жылдың желтоқсанынан бастап жаттықтырғысы келген еді және басылымның пікірінше, оның көзқарасы әлі күнге дейін өзгерген жоқ.
"Манчестер Юнайтед" басшылығы команданың қазіргі бапкері Оле Гуннар Сульшерді "Истанбул Башакшехирмен" болған матчқа (1:2) дейін қолдап келгені және одан кейін де бапкерді ауыстыруға асықпайтындығы атап өтілді.
Алдағы "Эвертонға" қарсы Англия чемпионатындағы ойында жеңіліс тапқан жағдайда, команда турнирлік кестеде 17-орынға түсіп кетуі мүмкін, бұл басшылықтың көңіл-күйін өзгертуі мүмкін.
