Манені не үшін құрметтеуіміз керек?

03.07.2020 13:45 Әлем футболы

Мане әлі күнге дейін компьютерлік ойындарды ойнау білмейді.

Манені не үшін құрметтеуіміз керек?

Біз бүгін осы маусымда Англия чемпионы атанған "Ливерпульдің" басты кейіпкері туралы айтатын боламыз. Ол - Садио Мане. Мане балалық шағында көптеген қиындықтарды басынан өткізді. Ол күріш алқаптарында жұмыс істеп, тіпті жуынуға уақыты болмаған. Футбол үшін үйінен қашып кеткен.

"Мен қашуды ұсақ-түйекке дейін дайындадым. Бірақ менде мүлдем ақша болмады. Күн батқан кезде мен үйдің алдында өсіп тұрған үлкен шөптің арасына өз заттарым салынған спорт сөмкесін жасырдым. Таңертең ерте тұрып, тісімді жуып, жақын досымнан басқа ешкімге айтпастан кетіп қалдым. Ол маған қарызға ақша беруі үшін оның үйіне жаяу бардым. Мен бірнеше шақырым жаяу жүрдім, содан кейін Дакарға баратын автобусқа отырдым."

Екі ай іздеуден кейін оның жанұясы Садионы тауып, оны Бамбали ауылына алып кетті. Жолда ол: «Бамбалиден біреу қалай футболшы бола алады?», - деген сөзді естумен болды. Маненің отбасында футболды ешкім жақсы көрмеген. Анасы оның футбол ойнағанын көрген сайын Садионы ол жерден қуып жіберіп отырған. Ол баласының білім алып, мұғалім болғанын қалады. Бірақ ол футболға байланысты мектепте оқымай қойды. Нәтижесінде анасы мен ағасының қолынан таяқ жейтін еді. Қазір Садио бәрі бұлай болғанына өкінбейді: «Бұл менің тәрбиемнің бөлігі. Осының арқасында мен ешқашан көлеңкеде болған емеспін. Мен бұл үшін күн сайын анама алғыс айтамын».

Мане футболды қатты ұнататын, сондықтан оның жуынуға уақыты болмады: «Ақша болады, содан кейін жуынамын», - дейтін ол өзіне-өзі. Сонымен қатар, Садио күріш пен жержаңғақ өсетін егістіктерде жұмыс істеді - төсекке қаншалықты лас болып жататынын елестетіп көріңіз. Қашып кетіп, қайта оралғаннан кейін Садио отбасын футбол жұлдызы бола алатындығына сендірді. Алты айдан кейін олар үйін сатуға қойды, бірақ олардың Манеге деген бір шарты болды: бала мектеп бітіруі керек. Оқуды бітіргеннен кейін бүкіл ауыл Садиоға жол үшін ақша жинауға көмектесті. Жиналды. Оның ағасы оны Дакардағы академияға апарды: «200 немесе 300 жігіт өз кезегі мен мүмкіндігін күтіп отырды. Бәрі мен үшін жаман басталды: мен өзімді таныстырған кезде олар мені мазақ етті. Мен футболшыға ұқсамадым. Мен футбол шортына ұқсамайтын шалбар кидім. Ал аяқ киімімімнің бүйір жақтары жыртылып кеткен еді, оларды сым арқылы жөндедім. Қарап отырғанда барлығы маған бет-әлпетімен: «Сіз шынымен футболшы болғыңыз келе ме?», - дегендей тесіле қарады. Мен оларды түсіндім, бірақ менде басқа амал қалмады. Мен онша жаман болмағаным үшін, олар мені академияға алды. Бұл менің оқиғамның бастауы болды».

Академияның алғашқы жаттықтырушысы Мади Туре мені былай есіне алады: «Садио ұқыпты және өте ақылды бала болатын. Ол бәрінен тезірек оқыды». Академия француздық "Метц" командасымен серіктестік жасады, содан кейін Мане сол клубтың жейдесін киді. Мане клубтағы алғашқы матчтарын ауырсыну арқылы өткізді - ойындардан кейін ол тамшылардың астында жатты; сондықтан ол бірден негізгі құрамға енгісі келді. Бұл 2011 жылдың жазы еді.

Бір жылдан кейін ол 2012 жылғы Олимпиадаға барды. Содан кейін оған "Марсель", "Бордо" және Премьер-лига клубтары қызыға бастады. Бірақ Садионың агенті оны Австрияға - "Ред Булл Зальцбург" командасына апарды. Бастапқыда Мане кеткісі келмеді: «Мен қатты қорқып кеттім. "Метц" менің жаңа үйім еді, мен кеткім келмеді. Бірақ президент маған: «Тыңдаңыздар, олар 4 миллион еуро ұсынды, сондықтан менің басқа таңдауым жоқ», - деді. Сол күні мен баладай жыладым».


"Ред Булл" клубында Садио оның ауысуын талап еткен бапкермен кездесті - Роджер Шмидт. Ол Садиоға тактикалық жағынан ең күшті әсер еткен адам: «Шмидт маған сенді және көп нәрсе үйретті. Оның қол астында мен тактика және ойын қабілеттерім туралы көп нәрсе білдім». Шмидттің өзі Садионы көріп қатты қуанды: «Алғашқы жаттығудан бастап оның ең жақсы ойыншы болу үшін барлық қасиеттері бар екендігі бірден белгілі болды. Ол ұжымдық тактиканың кейбір аспектілерін шешуге мәжбүр болды, бірақ футболдың жаңа қарқынына жету үшін оған уақыттың қажеті жоқ. Мен өз командасы үшін жанқиярлықпен жұмыс істегісі келетін ойыншыларды сирек кездестіремін. Бапкер үшін ол әрқашан арман болып қалатын».


Содан кейін - Австрия чемпионатындағы жеңіс, Еуропа Лигасындағы ойындар; "Саутгемптон" (екі маусымда 21 гол + 11 голдық пас); және Ливерпуль: қатарынан бес маусымдағы 10+ гол (пенальтиден басқа), Премьер-Лиганың бомбардир атағы, Чемпиондар Лигасындағы жеңіс, әлемдегі ең жақсы ойыншылар тізімінде төртінші орын.

Мане + Клопп = тағдыр

Садионың бірінші тактикалық мұғалімі Роджер Шмидт Клопптың «Боруссиясы» мен оның қысымынан шабыт алатын. Содан кейін Садио Клопппен келіссөз жүргізу үшін Дортмундқа ұшып кетті. Бірақ Клопп Манені командаға алмады: «Мен өмірімде бірнеше қателік жібердім, бірақ ең үлкені мен «Боруссияда» жұмыс істеген кезде Манені командаға алмадым. Ол менің кабинетімде болды, біз сөйлестік, бірақ соңғы сәтте ғана мен оған күмәндандым. Бұл менің қателігім болды. Садио - қорқынышты жігіт. Бақытымызға орай, тағдыр маған екінші мүмкіндік берді».

Ал Мане жымиып, "Ливерпульге" неліктен ауысқанын айтты: «Клопп "Ливерпульде" болды, мен оларға қарсы ойнап, үнемі гол соғатынмын. Менің ойымша, ол: «Әрдайым бізге гол салады, оны сатып алайық!», - деп ойлайтындай көрінді. Ия, тіпті «Ливерпульге» көп гол салмасам да.


Біз Манені неліктен құрметтейміз?

1.«Мен әлемдегі PlayStation-да ойнауды білмейтін жалғыз кәсіби футболшы шығармын. Мен ешқашан тырысқан емеспін, ол маған онша қызық емес. Клубта және ұлттық құрамада болсам да, менің айналамда көп уақытты компьютерлік ойындарға жұмсайтын ойыншылар жүреді. Бірақ бұл мені қызықтырмайды. Мен тіпті джойстикті қалай басқаруды білмеймін».

2.Манеде "Метц" киімінде түскен көңілді фотосурет бар. Оны жасаған журналист: «Мане менің камерам бар екенін көріп, суретке түсіруімді өтінді. Анасына фотосурет жібергісі келді. Мен одан электрондық поштаның мекен-жайын сұрадым, ол жай басын шайқады және клубтың хаттарын берді. Содан кейін, ол менен мұны тегін бе деп сұрады. Мен бұл күлкілі жігітті байқадым, өйткені ол бәріне бас иеді - жапондықтар сияқты. Ол маған «Метц» скауты оны Сенегалда тауып алып, клубқа алып келгенін айтты. Ол шынымен де мүмкіндікті бағалады».


3.Жыл басында Мане Африканың ең жақсы ойыншысы үшін сыйлық алды. Бірақ ол өзінің құрметіне Сенегал Президенті жасаған Дакардағы кешке бара алмады. Себебі, Садио жібергісі келмеген "Тоттенхэммен" матч алдындағы жаттығу. Әуежайда оны оркестрі бар жанкүйерлер күтіп алды!

4.«Мен мұсылманмын, күніне бес уақыт намаз оқимын және мүмкін болса намазды мешітте оқимын. Мен мешітте Ганалық жақсы досымды кездестірдім. Мен оны үйге шай ішуге шақырдым, бірақ ол: «Жоқ, мен жұмыс істеуім керек, мешіттегі дәретханаларды жууым керек», - деп жауап берді. Мен оны бірге жасаймыз дедім. Содан кейін біреу бізді видеоға түсіріп алды. Мен бұл адамнан видеоны әлеуметтік желіге жүктемеуін өтіндім. Ол маған жүктемеймін деп ант берді, ал келесі күні интернетте видео пайда болды. Бірақ бұл қорқынышты емес».


5.2016 жылы Мане әкесі жұмыс істейтін мешітті қалпына келтірді: «Мен жас кезімнен-ақ туып-өскен жеріме қандай-да бір алғыс айтқым келді, бірдеңе жасап бергім келді. Мен Сенегалдағы әріптестеріммен кейбір мәселелерді талқылап жатырмын. Ия, мен әлі жаспын, бірақ көп ұзамай өз Отаным үшін үлкен іс жасай бастаймын».

6.Әрине, Клопптың сөздері: «Мане клубқа келгеннен кейін көп нәрсе бастады, бірақ содан бері ол әр маусымда жақсарып келеді. Оның даму траекториясы әрқашан жоғары - жеке деңгей тұрғысынан да, командалық ойынға да қосылады. Ол біз үшін әрқашан маңызды болған. Ол әрдайым фантастикалық деңгейде ойнады, тіпті егер ол үшін бәрі жаман болса да. Бұл ойыншының шынайы деңгейі. Команда үшін ештеңе істемесе де, ол біз үшін маңызды болып қала береді».

1 пікір

  1. Future Footballer

    Future Footballer

    03.07.2020 17:59

    Әлемдегі ең үздік футболшы болғым келеді! Егер осы сөзді оқып отырған болсаңыз мен үшін дұғада болыңыздар! Атымды айту міндетті емес. Егер осы постты оқып маған тілеулес болсаңыз, Алланың өзі сұрауларыңызды қабыл етеді.