«Сассуолоның» жартылай қорғаушысы Мануэль Локателли «Ювентусқа» ауысты, деп хабарлайды туриндік клубтың ресми сайты.
«Ювентус» футболшыны 35 миллион еуроға сатып алу құқығымен екі маусымға жалға алды. Локателлидің туриндік клубпен келісім-шарты 2026 жылға дейін жарамды болмақ.
Еске салайық, Локателли Еуропа чемпионаты барысында Италия ұлттық құрамасында сәтті өнер көрсетті. Жалпы 5 матч өткізіп, 2 гол соқты. Мануэль өткен маусымда «Сассуоло» жейдесінде 34 матчқа қатысып, 4 гол мен 2 нәтижелі пасты өз атына жазды.
