Абзал Таубай Түркістан облысының ұжымына келіп қосылды
Орталық жартылай қорғаушы соңғы рет "Тараз" ФК өнер көрсеткен болатын. Онда ол өткен маусым қорытындысы бойынша 26 ойын өткізіп, 3 голдық пас берді. Таубай жамбылдық ұжым сапында 2014 жылдан бері доп теуіп келе жатыр.
Бұған дейін, "Мақтаарал" "көк-ақтардың" екі ойыншысымен келісімшартқа отырған болатын.
Түркістан облысының командасына алғаш болып Жамбыл жерінен Нұрлан Дайыров келді. Премьер-Лигада үлкен тәжірибесі бар қорғаушы "Тараз" сапына 2022 жылы келген болатын. Онда ол барлығы 30 ойын өткізді.
Одан кейін, "ақ-жасылдар" қатарын Жалғас Жақсылықов толықтырды. Жас қорғаушы жамбылдық ұжымның намысын 2021 жылдан бері қорғап келеді. Футболшы ҚПЛ өткен маусым қорытындысы бойынша 19 матчта алаңға шыққан.
