25 наурызда Бақылау-тәртіптік комитетінің отырысы өтті, деп хабарлайды ҚФФ ресми сайты.
Отырыс қорытындысы бойынша мынадай шешімдер қабылданды:
Футболдан Қазақстан Республикасының чемпионаты, ІІІ тур
«Атырау» – «Мақтаарал»
Қарсыласқа шамадан тыс күш қолданып, дөрекі ойнағаны үшін Тәртіптік регламенттің 44-бабының 1-тармағының 2-тармақшасына сәйкес «Мақтаарал» командасының ойыншысы Бруно Алекс үш матчтан шеттетілді. Дисквалификация мерзімі 2022 жылдың 18 наурызынан бастап есептеледі.
Команданың екі ойыншысын алаңнан шығару кезінде көрсетілген тәртіпсіз мінез-құлқы үшін Тәртіптік регламенттің 48-бабының 2-тармағына сәйкес «Мақтаарал» клубына 100 АЕК мөлшерінде, яғни 306 300 (үш жүз алты мың үш жүз) теңге айыппұл салынсын. «Мақтаарал» ФК айыппұлды 2022 жылдың 25 сәуіріне дейін төлеуі тиіс.
«Тұран» – «Каспий»
Көрермендердің төрешілер тобына айтқан әдепсіз сөздері мен әрекеттері үшін Тәртіптік регламенттің 63-бабының 1-тармағына сәйкес «Тұран» ФК-ға 100 АЕК мөлшерінде, яғни 306 300 (үш жүз алты мың үш жүз) теңге айыппұл салынсын. «Тұран» ФК айыппұлды 2022 жылдың 25 сәуіріне дейін төлеуі қажет.
«Ордабасы» – «Ақжайық»
Шектен тыс күш қолданып, дөрекі ойнағаны үшін Тәртіптік регламенттің 44-бабының 1-тармағының 2-тармақшасына сәйкес «Ордабасы» командасының ойыншысы Максим Ваганов екі матчтан шеттетілді. Дисквалификация мерзімі 2022 жылдың 18 наурызынан бастап есептеледі.
«Тобыл» – «Қызыл-Жар»
Команданың бес ойыншысы ескерту алған кезде көрсеткен мінез-құлқы үшін Тәртіптік регламенттің 48-бабының 1-тармағына сәйкес «Қызыл-Жар» ФК-ға 100 АЕК, яғни 306 300 (үш жүз алты мың үш жүз) теңге айыппұл салынсын. «Қызыл-Жар» ФК айыппұлды 2022 жылдың 25 сәуіріне дейін төлеуі керек.
