«Марсель» жанкүйерлері ереуілге шықты

30.01.2021, 22:33
Жанкүйерлер команданың нәтижесіне риза емес.
«Марсель» жанкүйерлері ереуілге шықты

Франциялық бұқаралық ақпарат құралдары "Марсель" жанкүйерлерінің ереуілге шығып, клубтың жаттығу базасына баса көктеп кіргенін хабарлады.

Get French Football News хабарлағандай, жанкүйерлер команданың қазіргі формасына наразы. Қарашада Андре Виллаш-Боаштың шәкірттері бірінші орын үшін таласқан еді, ал қазір Чемпиондар Лигасы аймағынан шығып қалуы мүмкін. Франция чемпионатының 20 турынан кейін "Марсель" 32 ұпай жинап, турнир кестесінде 6-орынға жайғасты.

Соңғы келіп жеткен хабарға сүйенсек, дәл қазіргі сәтте жанкүйерлер толығымен клубтың базасынан кетіп қалды. Базаның кіреберісіне арнайы жасақ қойылған екен.


Сондай-ақ жанкүйерлер клуб президенті Жака-Анри Айродан құтылғысы келеді. Айта кету керек, бүгін "Марсель" өз алаңында "Ренн" клубын қабылдайды. Матч Нұр-Сұлтан уақытымен 02:00-де басталады.

Бұған дейін клубтан бас бапкер Андре Виллаш-Боаштың кетуі мүмкін екендігі хабарланған болатын. Оның орнына "Боруссияның" экс-тәлімгері Люсьен Фавр келуі мүмкін.

Виллаш-Боаш "Марсельді" 2019 жылы қабылдаған болатын. Оның басшылығымен команда өткен маусымда Франция чемпионатында екінші орын алып, УЕФА Чемпиондар Лигасына жолдама алған еді, бірақ топтық кезеңнен ары аса алмады.

Сіздің реакцияңыз?
Ұнайды 0
Ұнамайды 0
Күлкілі 0
Масқара 0
Серіктес жаңалықтары
×