«Пари Сен-Жерменнің» шабуылшысы Килиан Мбаппе жарақатына байланысты шамамен екі апта жіберіп алады, деп хабарлайды Le Parisien.
Мбаппе Франция кубогының финалында «Сент-Этьенге» қарсы ойында (1-0) жарақат алып, бірінші таймда ауыстырылды. Дәрігерлер шабуылшыға білек сынуы диагнозын қойды.
Le Parisien хабарлағандай, ойыншының қалпына келуі 10-нан 15 күнге дейін созылады. Осылайша, Мбаппе Чемпиондар лигасының ширек финалында 12 тамызда өтетін «Аталантаға» қарсы ойынға қатысу мүмкіндігін сақтап қалды.
Мбаппе - әлемдегі ең қымбат футболшы. Оның нарықтық құнын KPMG Football Benchmark 225 миллион еуроға бағалайды.
