SportBible сайты Лионель Мессидің ең қымбат дүниелерінің бірі - құны 12 млн фунт тұратын жеке ұшағын жариялады. Ұшаққа көз салар болсақ үздік ойыншыға арналған үздік транспорт екенін көруімізге болады.
Ұшақтың серт келбетіне зер салсаңыз, көзіңізге бірден 10 саны түседі.
Баспалдақтарында Лео мен оның отбасы мүшелерінің есімдері жазылған – жұбайы (Антонелла) мен ұлдары (Тьяго, Чиро, Матео).
Ішкі интерьеры өте жоғары деңгейде жасалған.
Ұшақта ас бөлмесі мен екі жуынатын бөлме, 16 кресло және 8 төсек бар.
Леоның бұл транспортқа кеткен ақшасы аргентиналықтың қалтасына ауыртпашылық салмағаны анық. Себебі 32 жасар ойыншы әлемдегі ең көп табыс табатын спортшылардың қатарында - 400 миллион доллар.
