"Барселона" қорғаушысы Нельсон Семеду "Вулверхэмптонға" ауысты. Трансфер құны 40 миллион еуроны құрады (30 миллион + 10 миллион еуро бонус). "Барселона" клубының баспасөз қызметі трансфер туралы ресми хабарлап, ойыншыға үш маусымда көрсеткен ойыны үшін алғыс білдірді.
Нельсон Семеду - Португалия футболының түлегі. 2017 жылы ол "Барселонаға" "Бенфикадан" 35,7 миллион еуроға ауысып келді. Қорғаушы каталондық клуб үшін 124 матч өткізіп, екі гол соқты, 11 нәтижелі пас берді.
Португалиялық ойыншы ұлттық құрама сапында 2015 жылы дебют жасады. Семеду ұлттық құрамада 13 матч өткізіп, бір нәтижелі пас берді.
Біздің серіктес: FONBET
