Неміс Бундеслигасына шолу

Францияда өтетін Еуро-2016-ның іріктеу ойындарына байланысты кәрі құрлықтың чемпионаттары екі апталық үзіліс алған болатын. Ал, енді келесі жылдың наурыз айына дейін Еуропа, Чемпиондар Лигасы мен ішкі чемпионаттардың ойынымен тыныстайтын болады. Бүгін Неміс Бундеслигасында бірқатар ойындар болып өтті. Өткен турда менхенгладбахтық "Боруссиядан" басым түсіп, дортмундық "Боруссия" өз жанкүйерлерін біраз тыныштандырған болатын. Қатарынан екі ойында жеңіске жету үшін Клопп шәкірттері қонаққа, осы жылы ғана Бундеслигада ойнауға мүмкіндік алған "Падерборнға" барды. Бұл команда да, жоғарғы элитадағы бірінші маусымына қарамастан, оңай беріле салатын ұжым емес. Бұл команданың стадионына келген Бундеслиганың "кәрі қасқырларына" оңай соғып жүрген жоқ. Бірақ, ойынның басында біраз састы алаң иелері. Клооптың жігіттері қойсың ба, бірден шабуылдауға көшті. 12-ші минутта Обамеянг қорғаушылардың қателігін, "бір-біріне сенгіштігін" пайдаланып, 3-4 метр жерден соққы бағыттап есеп ашып кетті. Ал, бірінші таймның қосымша уақытында Ройс қақпашымен бетпе-бет шығып, таблодағы есепті 0-2-ге жеткізді. "Боруссия" өз жеңісіне ерте сенген болуы керек, екінші таймда босаңсыды. Ойынның 60-шы минутында Лукас допты алыс бұрышқа бағыттап есепті қысқартса, 81-ші минутта Саглик бұрыштама добынан кейін баспен соққы бағыттап стадионды дүр сілкіндірді. Алаң иелері үшін жеңіске пара-пар тең нәтиже, ал "Боруссияның" өкінішін Клопптың тұнжыраған жүзіне қарап-ақ байқамау қиын емес еді. Онымен қоса, бұл ойында Ройс соңғы 6 ай ішіндегі 3-ші жарақын алды. Кем дегенде 2 апта жасыл алаңға шыға алмауы мүмкін деген болжам да жоқ емес. Дегенмен, жақын арады жарақаттың қаншалықты ауыр екені белгілі болады. Падерборн-Боруссия Д 2:2(0:2) Голдар: 0:1 – 12, Обамеянг, 0:2 – 45+1, Ройс, 1:2 – 60, Рупп, 2:2 – 81, Саглик. Ал, "Бавария" былтырғыдан да ерте чемпион болуды шешкен секілді. Жоқ, чемпион болатынына ешкім де шүбә келтірмейді, ресми түрде дегенім ғой. Маусымдағы 9-ші жеңісіне қол жеткізді. Бұл жолы тапталған-"Хоффенхайм". Гетце, Левандовски, Роббен, Роделер жауапсыз 4 гол тоғытып, 3 ұпайды қоржынға салды. "Бавария" үшін тағы бір жағымды жаңалық, Швайнштейгер ұзақ үзілістен кейін алаңға оралды. 90 минутты түгел ойнамаса да, бұл ойында нәтижелі пас беріп те үлгерді. Бавария-Хоффенхайм 4:0(2:0) Голдар: Гетце 23; Левандовски 40; Роббен 82; Роде 87. Шальке-Вольфсбург 3:2 Боруссия М-Айнтрахт Ф 1:3 Майнц-Фрайбург 2:2 Ганновер-Байер 1:3