«Тараз» командасына ауысқан сербиялық жартылай қорғаушы Ненад Адамович клубтың баспасөз қызметіне берген сұхбатында өзінің алға қойған мақсаты жайлы әңгімеледі.
- Ненад, сіз «Таразға» қарсы бірқатар матчтар өткізген ойыншысыз. Команданың деңгейіне қандай баға бересіз?
- Иә, мен «Таразға» қарсы бірнеше мәрте ойнағанмын. Әрбір кездесу оңай болған емес. Қазір команданың қай деңгейде екендігін айту әлі ерте деп ойлаймын. Қазір оқу-жаттығу жиындарындағы басты мақсатымыз – тактикалық және физикалық тұрғыда шынығу, маусымға дайындалу. Біздің деңгейімізді чемпионат барысы көрсетеді.
- Жаңа командамен қандай жетістікке жетемін деп ойлайсыз?
- Шыны керек, оны қазір айтқым келмейді. Нақтырақ айтқанда, сөзбен емес іспен көрсеткенді жөн санаймын. Біз қандай нәтижеге қол жеткізгіміз келетінін жасыл алаңда көрсетуіміз керек.
«Тараз» КФК баспасөз қызметі
