"Бёрнли" бас бапкері Ники Хайен Чемпионшиптің екінші турындағы "Вест Бромвичке" қарсы ойын алдында Дастан Сәтпаевқа қатысты өз ойын білдірді, деп хабарлайды Aladop.kz.
Бапкер 18 жасар футболшының ерекше талантын атап өтті. Хайеннің айтуынша, Дастанның техникалық шеберлігі мен қарсылас қақпасына қауіп төндіре алу қабілеті оны команда үшін өте құнды ойыншы етеді.
Чемпионшиптегі маусымның ауырлығына тоқталған бапкер алда 46 матч және кубоктық кездесулер бар екенін еске салды.
"Әр футболшы өз деңгейін көрсетуі тиіс, бірақ барлық 46 ойынды бірдей жоғары қарқынмен өткізу мүмкін емес. Сондықтан бізге құрамның кең болғаны маңызды." — деді Ники Хайен.
Хайен Дастан Сәтпаевтың ойын тағдырына әсер ете алатын қасиетін жоғары бағалайды. Ал оның негізгі құрамда шығу мүмкіндігі туралы сұраққа бапкер нақты жауап бермей, командадағы әр ойыншының маңызды екенін алға тартты.
Осылайша, "Бёрнли” басшылығы Дастан Сәтпаевты команданың стратегиялық жоспарындағы маңызды мүшесі ретінде қарастырып отыр.
