Футболдан Германия құрамасының 25 жасар қақпашысы Мануэль Нойер Мюнхендік «Бавариямен» 5 жылдық келісім шартқа қол қойды.
Әлемдегі талантты жас футболшылардың бірі болып саналатын неміс голкипері бұған дейін Гельзенкирхендік «Шальке 04» клубында өнер көрсетті.Туған қаласының командасында 2005 жылдан бастап ойнаған Нойер Германия бундеслигасы аясында жасыл алаңға 156 рет шыққан.Гельзенкирхен қаласының сүйіктісіне айналған жас қақпашы енді келер маусымды Германияның ең атақты клубының құрамында бастайды.
