Ағымдағы маусымның қорытындысы бойынша «Ордабасы» футбол клубы үздік үштікке кіруі керек, деп хабарлады Шымкент қаласының дене шынықтыру және спорт басқармасы. Клубтың бюджеті де белгілі болды.
«Ордабасы» кәсіби футбол клубымен 6 миллиард 250 миллион теңге көлемінде келісім жасалды. Алайда карантиндік шектеулерге байланысты ағымдағы жылдың қыркүйек айында 2020-2022 жылдарға арналған қалалық бюджетті нақтылау кезінде бұл сома 1 миллиард 472 миллион 708 мың теңгеге азайтылды. Осы уақытта қысқартылған қаражатты бұқаралық спортқа бағыттау (қайта бағыттау) бойынша жұмыс жүргізілуде», - деді спорт басқармасы.
«Ордабасы» клубының алдында тұрған міндеттер туралы:
«Биылғы жылы «Ордабасы» футбол клубының басты міндеті - Қазақстан Премьер-лигасын үздік үштік қатарында аяқтау», - деп атап өтті ұйым.
Айта кетейік, «Ордабасы» 18 турдың қорытындысы бойынша «Астанамен» бірге 27 ұпай жинап, төртінші орында тұр. Алайда елордалық команданың қоржынында артық бір ойын бар.
Біздің серіктес: FONBET
