«Ордабасы» өз алаңында тең түсті

Ойынның алғашқы минуттарынан-ақ алаң иелері белсенді басымдық танытып, қонақтарды жоғары прессингпен қыспаққа алды. Бірнеше қауіпті сәттер жасалғанымен, есепті алғашқы болып семейліктер ашты — 39-минутта Кевин Бенитес дәл соққымен өз командасын алға шығарды.

Екінші таймда да шымкенттіктер шабуылын үдетіп, тең есепке қол жеткізуге ұмтылды. Еркебұлан Тұңғышбаев бір сәтте бағананы дәл көздегенімен, гол болмады. Ақыры 85-минутта Хатем Муроджон Халматов есепті теңестірді. Есеп: 1:1.

Бұл нәтижеден кейін «Елімай» 18 ұпаймен, ал «Ордабасы» 17 ұпаймен турнирлік кестенің ортасында орналасып отыр.

«Ордабасы» — «Елімай» 1:1 (0:1)