Аргентина. «Ньюэллс Олд Бойз» футбол клубының жастар құрамасындағы орындар үшін талас. Хорке Месси құрамға інінбеді. Оның себебі, өз құрдастарынан әлсіз болуы еді. Бұл сәтсіздігінен кейін Хорке өмірдің қарапайым жолымен жүруді таңдады. Әскерге барды, колледж оқыды, отбасын құрды. Өзінің өмір жолын Болат зауытында қарапайым жұмысшы болып жалғастырды. Балаларының өзі жетпеген жетістікке жеткенін қалап, барлығын футболға берді. Бірақ, футбол әлеміне тек Лео ғана аяқ басты. Леонель Месси де «Ньюэллс Олд Бойз» клубында ала доптың қыр-сырын үйренуге ниетті болды. Жас таланттың физикалық дамуында кедергілер болатын. Ал, сол кедергілермен күресу үшін қажетті препараттарды бұл клубта алу мүмкін болмады. Испаниядан келген шақырту осы кемшіліктерді толықтай жою үшін керемет мүмкіндік еді. Хорке жас Леоны алып Испанияға бірге келеді. Міне, сол кезден бастап футболшы болуды армандаған Хоркенің арманы басқа бағытта өрбіді. Бірақ, сол өзі ұнататын футболдың маңайында.
Ол аргентиналық ойыншының жеке агенті болып, түгелдей дерлік келісім-шарттарды өзі басқарды. «Барселонамен» керемет келісімдерге қол жеткізді. Тіпті, әр маусымның соңында Леонель Месси кез-келген клубқа тегін ауысу құғына қол жеткізді. Ойыншының клубта алатын жалақысына әкесінің үнемі көңілі толмайтын. Одан бөлек футбол жұлдызының жарнамадан түсетін табысын жасырып, Испания салығынан жалтарып келген. Осы жасаған істері әшкере болып, Аргентинада жинақталған қаржылары үшін айыппұл төлеген. Колумбиялық La Repubblica газет беттерінде Хоркенің осы елдің қылмыстық топтарымен байланысы бар екендігі жазылды. Мессидің қатысуымен өтетін қайырымдылық матчна жалған билет сатқан деп көрсетілді.
Ағасы – Родриго. Родриго әкесінің оң қолы болып жұмыс істеді. Одан бөлек Барселона орталығындағы Bellavista del Jardín del Norte мейрамханасында үлесі бар. Сонымен қатар Ибица мен Сиджестегі Majestic Messi қонақ үйлер желісін басқарады. «Барселонаның» жас жұлдызы Ансу Фатидың агенті болып, осы салада өзін сынап көрді. Бартомеумен жасаған келісім шарты Ансу Фатидің көңілінен шықпады. Себебі, ол жерде ойыншыға көрсетілген сумма төмен еді. Бірақ, Родриго мен клуб үшін жақсы келісім болған. Осыдан кейін Ансу Фати Родригомен келісімді тоқтатады.
Родригоның ең бір ірі оқиғасы 2010 жылдың басында болды. Барселона орталығында жанармай бекетінде велосипедшіні ойыншық қарумен қорқытқан. Оқиғаға тәртіп сақшылары араласқанымен, велосипедші шағымданудан бас тартқан.
Леоның тағы бір бауыры – Матиас. Матиастың өзінің жеке жаттығу залын басқарады және Leo Messi қорында анасына көмектеседі. 2015 жылы есірткі саудасына қатысы бар деген күдікпен ісдестіріледі. Оған сол кезде шартты мерзім беріп, қамалуы мүмкін еді. Леонель Мессидің танымалдылығы оны тек жеңіл жазамен құтылуына себеп болды. Ол 2018 жылы көлік жүргізушісін тапаншамен қорқытып, шабуыл жасаған. Осы оқиғадан кейін шартты түрде 2,5 жыл алған.
Анасы – Селия Мария Куччиттини. Баласына үнемі жанкүйер. «Барселонаның» бір ойынын да қалдырмай тамашалайды. Хорке жұмыс істеген зауытта тазалаушы болып қызмет атқарған. Қазіргі уақытта анасы Росариода тұрады. Лео Мессидің қайырымдылық қорында жұмыс істейді.
Отбасындағы осындай қиындықтар мен келеңсіз жағдайларға қарамастан Лео өзінің ойынымен барша жанкүйерлерді баурап алды. Оның талантын бәрі мойындап, алаңда жасаған ғаламат дүниесіне таңданған жанкүйерлер өзге ғаламшарлық деп те атайды.
Серікбол Нақысбек
Біздің серіктес: FONBET
