"Қайраттың" бақылау кеңесінің төрағасы Қайрат Боранбаев танымал бапкер Құрбан Бердыевті өзінің кеңесшісі ретінде клубқа шақырғаны туралы әңгімеледі, деп хабарлайды RB Sport.
- Сіз неге осы маманды шақыру туралы шешім қабылдадыңыз?
- Ол біздің команданың ардагері. Біз әрқашан оның жеткен жетістіктерін бақылап отырдық. Біз онымен жиі сөйлесетінбіз, ол бізбен үнемі байланыста болатын. Біз үнемі бір нәрсе туралы сөйлесетінбіз. Оның тәжірибесі мол. Сондықтан біз оны өз клубымызға жұмысқа шақырдық. Айтпақшы, ол тегін жұмыс істейді. Ол жалақы алудан үзілді-кесілді бас тартты.
- Бұл оның өтініші болды ма?
- Иә. Біз оған тек жүріп-тұруына қажетті ақшасын ғана төлейміз.
- Енді ол үнемі Қазақстанда болуы керек пе?
- Жоқ, бізде жартылай жұмыс түрі бар. Ол көп уақытын Ресейде өткізеді. Ол айына уақытының 50 пайызын бізбен жұмыс істеуге арнауға келісімін берді.
- Ол басқа жобалармен жұмыс істеп жатқан көрінеді.
- Ия, оның өз жұмысы бар. Менің ойымша, ол Ресейдегі басқа команданы тізгіндей алады. Оның ұсыныстары бар.
- Ол "Қайраттың" бапкері бола алар ма еді?
- Қазір ол бұған 100 пайыз дайын. Оның "Рубинмен" және "Ростовпен" қандай жетістіктерге жеткенін ұмытпаңыз. Бұл жоғары деңгейдегі жаттықтырушы. Ол әзірге өз бетінше жұмыс істегісі келмейді. Біз оны тек осы қызметке орналасуға көндіре алдық. Маған тек командадағы жаттықтырушыларға кеңес керек. Мен көп нәрсені түсінбеймін, бірақ бапкер бапкерді оңай түсінеді.
- Менің түсінуімше, сіз оны бас бапкер ретінде шақырғыңыз келген, бірақ ол бас тартты?
- Оның жеке жоспарлары бар.
