Алматылық «Қайрат» бүгін, 10 тамызда Еуропа лигасының бірінші іріктеу кезеңіндегі қарсыласын анықтайтын болады.
Келесі төрт команданың бірі Алексей Шпилевский шәкірттерінің қарсыласы атанады: «Ноа» (Армения), «Сумгаиыт» (Әзірбайжан), «Петрокуб» (Молдова), «Локомотив Тбилиси» (Грузия).
Сонымен қатар Шымкенттік «Ордабасы» клубының да Еуропа лигасының бірінші іріктеу кезеңінде ойнауы мүмкін қарсыластары анықталды.
Бірінші іріктеу кезеңінде «Ордабасы» келесі үш команданың бірімен ойнайды: "РФШ" және «Валмиера» (екеуі - Латвия), «Ботошани» (Румыния).
Жеребе Швейцарияның Ньон қаласында өтеді және Нұр-Сұлтан уақытымен 16:00-де басталады. УЕФА-ның ресми сайтында тікелей эфирден көре аласыздар.
