Meta-ratings.kz сайтына белгілі болғандай, "Қайрат" жақында "Крылья Советовтың" португалиялық жартылай қорғаушысы Рикарду Алвешпен келісім-шартқа отырады.
28 жастағы шабуылдаушы жартылай қорғаушы ведомствоаралық комиссиядан кетуге рұқсат алғаннан кейін дереу Алматыға келуі керек. Тараптар барлық шарттарды талқылап үлгерді және ол Алматыға келгеннен кейін бірден медициналық тексерістен өтеді, содан кейін келісім-шартқа қол қояды.
Алвеш соңғы 3 жылын ресейлік "Оренбург" және "Крылья Советов" клубтарында өткізді, ал оған дейін өз еліндегі "Портимоненсе", румыниялық "Рапид" және словениялық "Олимпия" командаларының намысын қорғаған. Айта кету керек, "Қайрат" бұған дейін де Португалия жастар құрамасының бұрынғы ойыншысына қызығушылық танытқан болатын.
Алвеш шілде айында алматылық клубтың үшінші жаңа ойыншысы болады, бұған дейін алматылық клуб камерундық қорғаушы Маки Баньяк және Ян Вороговскиймен келісім-шарт жасасты.
