"Қайсар" командасы жаңа капитан тағайындады, деп хабарлайды қызылордалық клубтың баспасөз қызметі.
Бұл 27 жастағы жартылай қорғаушы Думан Нәрзілдаев болмақ. Бұған дейінгі капитан клубтан қысқы трансферлік кезеңде кетуге шешім қабылдаған Қазақстан құрамасының жартылай қорғаушысы Асхат Тағыберген болған еді.
Нәрзілдаев - Қызылорда футболының тәрбиеленушісі, өзінің туған командасында 2012 жылдан бері ойнайды. Өткен маусымда ол ҚПЛ-дің 18 матчында бір гол соғып, екі нәтижелі пас берді, ал оның командасы жетінші орынға ие болды.
Айта кетейік, "Қайсар" күні кеше оқу-жаттығу жиынын өткізу үшін Түркияға аттанған болатын.
Біздің серіктес: FONBET
