Қазақстандық жаттықтырушы Талғат Байсуфинов Қазақстан құрамасының бас бапкері қызметіне үміткер ретінде қарастырылып жатыр, деп хабарлайды Vesti.kz.
ҚФФ 52 жастағы маманмен ұлттық құрамада жұмыс істеу туралы ұсыныспен байланыс орнатқан. Сондай-ақ тізімде «Тобылдың» бас бапкері Григорий Бабаян мен «Қайраттың» тәлімгері Алексей Шпилевский бар.
Бұған дейін Байсуфинов Қазақстан жастар құрамасының тәлімгері лауазымына үміткер болып саналады деген ақпарат болған. Байсуфинов бұған дейін 2016-2017 жылдары ұлттық құраманың бас бапкері болып жұмыс істеген. Сонымен қатар ол Қазақстан жастар құрамасының бас жаттықтырушысы болып жұмыс істеді (U21). Клуб деңгейінде «Химки», «Ертіс» және «Ақжайық» командаларын жаттықтырды.
